Chinni Tandri Ninu Choodaga song lyrics

చిన్ని తండ్రి నిను చూడగా (Chinni Tandri Ninu Choodaga - Sisindri - 1995)

చిన్ని తండ్రి నిను చూడగా | వెయ్యి కళ్ళైన సరిపోవురా
అన్ని కళ్ళూ చూస్తుండగా | నీకు దిష్టెంత తగిలేనురా
అందుకే అమ్మ ఒడిలోనే | దాగుండిపోరా
చిన్ని తండ్రి నిను చూడగా | వెయ్యి కళ్ళైన సరిపోవురా

ఏ చోట నిమిషం కూడా ఉండలేడు | చిన్నారి సిసింద్రీల చిందు చూడు
పిలిచినా పలకడు | వెతికినా దొరకడు
మా మధ్య వెలిశాడు ఆ జాబిలి | ముంగిట్లో నిలిపాడు దీపావళి
నిలిచుండాలి కలకాలము | ఈ సంబరాలు
చిన్ని తండ్రి నిను చూడగా | వెయ్యి కళ్ళైన సరిపోవురా
అన్ని కళ్ళూ చూస్తుండగా | నీకు దిష్టెంత తగిలేనురా

ఆ మువ్వ గోపాలుళ్ళా తిరుగుతుంటే | ఆ నవ్వే పిల్లంగోవై మోగుతుంటే
మనసున నందనం | విరియదా ప్రతి క్షణం
మా కంటి వెలుగులే హరివిల్లుగా | మా ఇంటి గడపలే రేపల్లెగా

మా ఈ చిన్ని రాజ్యానికి | యువరాజు వీడు

చందమామ చూశావటోయ్  | అచ్చు నీలాంటి మా బాబుని
నేల అద్దాన నీ బింబమై | పారాడుతుంటే
చందమామ చూశావటోయ్  | అచ్చు నీలాంటి మా బాబుని