Gulebakavali Katha Movie Song Lyrics

Nannu Dochukunduvate Gulebakavali Katha Movie Song Lyrics

చిత్రం : గులేబకావళి కథ (1962)
రచన : డా॥సి.నారాయణరెడ్డి
సంగీతం :జోసెఫ్-వి.కృష్ణమూర్తి
గానం : ఘంటసాల

నన్ను దోచుకుందువటె వన్నెల దొరసాని
నన్ను దోచుకుందువటె వన్నెల దొరసాని
కన్నులలో దాచుకొందు నిన్నే నా సామి
నిన్నే నా సామి (నన్ను దోచుకుందువటె)

తరియింతును నీ చల్లని చరణమ్ముల నీడలోన (2)
పూలదండవోలె కర్పూర కళికవోలె కర్పూర కళికవోలె
ఎంతటి నెఱజాణవు నా అంతరంగమందు నీవు (2)
కలకాలము వీడని సంకెలలు వేసినావు
సంకెలలు వేసినావు (నన్ను దోచుకుందువటె)

నా మదియే మందిరమై నీవే ఒక దేవతవై (2)
వెలసినావు నాలో నే కలసిపోదు నీలో కలసిపోదు నీలో
ఏనాటిదో మనబంధం ఎరుగరాని అనుబంధం (2)
ఎన్ని యుగాలైన ఇది ఇగిరిపోని గంధం
ఇగిరిపోని గంధం (నన్ను దోచుకుందువటె)

Ontari Nai Poyanu Old Telugu Song Lyrics - NTR Gulebakavali Katha Songs Lyrics

పల్లవి :
ఒంటరినైపోయాను
ఇక ఇంటికి ఏమనిపోనూ ॥

చరణం : 1
నాపై ఆశలు నిలుపుకున్న
నా తల్లి ఋణము చెల్లించనైతిని (2)
ఎవరికీ గాక ఏ దరిగానక (2)
చివికి చివికి నే మ్రోడైపోతిని ॥

చరణం : 2
నన్నే దైవమని నమ్ముకున్న
నా ఇల్లాలిని ఎడబాసితిని (2)
బ్రతుకే బరువుగా తిరిగి తిరిగి (2)
ఈ బండలలో ఒక బండనైతిని ॥

చరణం : 3
వలచిన కన్యను వంచనజేసి
నలుగురిలో తలవంపులుజేసి (2)
గుండె ఆవిరైపోవుచుండ (2)
ఈ మొండి బ్రతుకు నేనీడ్చుచుంటిని ॥