Chiranjeevi 150th Movie Started
ప్రారంభమైన చిరు 150వ సినిమా
మెగా అభిమానులకు ఎప్పుడా ఎప్పుడా అని ఎదురు చూస్తున్న తీపి కబురు అందింది. అదేనండీ చిరంజీవి 150వ సినిమా సంగతి ... ఎట్టకేలకు ఈ సినిమా మొదలైంది . ఈరోజు మధ్యాహ్నం 1.30 గంటలకు చిరంజీవి 150వ సినిమా అనుకున్న ముహూర్తానికి ప్రారంభమైంది . తమిళంలో బ్లాక్ బస్టర్ 'కత్తి' సినిమా రీమేక్ చేస్తున్నారు. కత్తి స్టోరీ లైన్‌ని ఇటు చిరంజీవి ఇమేజ్‌కి తగ్గట్టుగా.. అటు తెలుగు ఆడియన్స్‌కు అనుగుణంగా తీర్చిదిద్దాడు దర్శకుడు వి.వి.వినాయ‌క్. ఈ చిత్రం పూజ కార్యక్రమాలతో ప్రారంభమైంది. కొణిదల ప్రొడక్షన్స్ బ్యానర్‌పై చిరు తనయుడు రామ్ చరణ్ ఈ చిత్రాన్ని నిర్మిస్తున్నారు.
చిరు 150వ చిత్రం సందర్భంగా ఈ కొణిదల ప్రొడక్షన్ కంపెనీ బ్యానర్‌ను చిరు భార్య సురేఖ శుక్రవారం లాంఛ్ చేశారు. ప్రముఖ రచయత పరుచూరి వెంకటేశ్వరరావు ఈ చిత్రానికి క్లాప్ కొట్టగా...నిర్మాత అల్లు అరవింద్ కెమెరా స్విఛాన్ చేశారు. ఈ మెగా కార్యక్రమానికి అల్లు అర్జున్, రామ్ చరణ్ తేజ్, వరుణ్ తేజ్, సాయిధరమ్ తేజ్, నాగబాబు, నిహారిక, అల్లు అరవింద్‌తో సహా మెగా ఫ్యామిలీ అంతా హాజరయ్యారు. వీరితోపాటు దర్శకుడు కొరటాల శివ, నిర్మాతలు శరత్ మారర్, డివివి.దానయ్య, పరుచూరి వెంకటేశ్వరరావు ఈ కార్యక్రమంలో పాల్గొన్నారు. ఈ చిత్రానికి దేవిశ్రీ ప్రసాద్ సంగీతాన్ని అందించనున్నాడు.
No comments:
Post a Comment